Benvidos á páxina do Proxecto Interuniversitario “Nomes e Voces”. Este é un espazo deseñado para facilitar o acceso á investigación da Historia actual especializada en información sobre a guerra civil e  a represión franquista en Galicia. Convidámoste a que coñezas o noso traballo e as nosas pescudas. 

Consulta na base de datos de vítimas a persoa que estás buscando, introducindo os datos dos que dispoñas

Terceira circular do Congreso Internacional "1936 ¿Un novo relato? 80 anos, entre historia e memoria". Compostela, 18,19 e 20 de xullo de 2016

Programa e acceso á matrícula do Congreso Internacional "1936 ¿Un novo relato? 80 anos, entre historia e memoria", organizado por Histagra, que se celebrará en Santiago de Compostela os vindeiros 18,19 e 20 de xullo de 2016.

Exposición: 80 anos. Santiago 1936

Esta exposición, que permancerá na Fundación Eugenio Granell entre o 7 de xullo e o 25 de setembro, pretende explicar como, en tan poucos días, Santiago pasou de ser unha cidade en plenas festas do Apóstolo, na que aínda se festexaba o Estatuto de Autonomía de Galicia, ao triunfo do golpe de estado.

Audio. "Cela no tempo de silencio: xenealoxía da república das letras no primeiro franquismo" de Alejandro Alonso

Xa se pode escoitar (e/ou descargar) a conferencia "Cela no tempo de silencio: xenealoxía da república das letras no primeiro franquismo" que dispensou o profesor do The Graduate Center da City University of New York, Alejandro Alonso, dentro do Ciclo "Pasados incómodos: guerra, memoria e historia, organizada por Histagra o 18 de decembro de 2014 na Facultade de Xeografía e Historia.

Dossier do ciclo de conferencias Pasados incómodos: Guerra, memoria e historia.

O Grupo de Investigación Histagra ten como un dos seus principais obxectivos o estudo do golpe de estado do 36, a guerra civil, o franquismo e a transición política en España e, neste marco de investigación, se levou a cabo o ciclo de conferencias Pasados incómodos: Guerra, memoria e historia, no que participaron especialistas da historia, estudos culturais, socioloxía, xudicatura e do pensamento para analizar o pasado e a memoria, así como o seu tratamento presente.

A navalla suíza
Responsable
Universidade de Santiago de Compostela
Colaboradores
Universidade de Vigo Universidade da Coruña Deputación de Lugo
Patrocina
Feder Xunta de Galicia