En breve comezarán os traballos do último ano do PMD (2021-2024)
Dúas fosas mais serán obxecto, neste 2024, dos traballos a realizar pola equipa do Plan de Memoria Democrática en Galicia. A fosa de San Miguel de Cabreira, en Salvaterra de Miño e a continuación dos traballos arqueolóxicos (iniciados en 2023) na fosa de Santa María do Val, en Narón.
En breve continuarán os traballos da equipa do PMD, no derradeiro ano do convenio cuadrienal. En total, ata o momento, serían 9 as fosas intervidas, nas que buscamos cerca dun centenar de vítimas do Golpe, da Guerra e da Ditadura, asasinadas, entre 1936 e 1939. Recordamos que se algunha persoa está interesada en solicitar a nosa colaboración, debe poñerse en contacto co grupo de investigación HISTAGRA, que coordina a actividade da equipa (histagra@usc.es).