Seminario con James Matthews, venres 13 de xuño

O Grupo de Investigación Histagra celebra o vindeiro venres día 13 de xuño, ás 12h na Aula de Máster do Departamento de Historia Contemporánea, o seu derradeiro Seminario de Investigación do curso 2013-14 no que participará o profesor James Matthews, doutor en Historia de España pola Universidade de Oxford, na actualidade Marie Curie Intra - European Fellow no Centre for War Studies do University College Dublin.

O seminario consistirá no debate da súa obra Soldados a la fuerza. Reclutamiento obligatorio durante la Guerra Civil, 1936-1939, editada por Alianza en 2013.

O desenvolvemento da actividade axustarase ao seguinte esquema:

1. Presentación da obra por parte do autor (15 mins).

2. Comentario a cargo da Investigadora de Histagra Aurora Artiaga (15 mins.).

3. Comentario a cargo do Investigador de Histagra Francisco Leira (15 mins.).

4. Quenda de réplica por parte do investigador convidado.

5. Debate colectivo.