Os membros do Proxecto de Investigación `As Vítimas, os Nomes e as Voces´ acometen a análise de preto de sete quilos de material diarístico do militante anarquista Gonzalo Becerra (1910-1976), entre o que se atopa documentación con códigos cifrados da primeira guerrilla.

Becerra sobreviviu oculto (¡na súa casa!) dende o ano 36 ata a súa morte, utilizando un zulo de 2 metros cadrados construído nun lateral da mesma.

O material, doado hai un mes por Ovidio Becerra, o último dos oito irmáns, aportará luz sobre a dura e longa experiencia dun home que viviu o maquis...na súa propia casa.