Conclusións do Coloquio Internacional 'Memoria da Guerra, Reconciliación e Cultura de Paz'
Do día 13 ao 15 de decembro expertos internacionais de primeiro nivel reuníronse en Compostela no Coloquio Internacional ‘Memoria da Guerra, Reconciliación e Cultura de Paz’ que organizou o proxecto ‘Nomes e Voces’ dentro das actividades do Foro 2010. O acto foi inaugurado polo director do proxecto, Lourenzo Fernández Prieto e polo o historiador e profesor emérito da Universidade de Nova York Nicolás Sánchez Albornoz, encargado de pronunciar a conferencia inaugural.
O coloquio contou entre os seus convidados a destacados estudosos da recuperación da memoria histórica, procedentes de España e de fóra. É o caso do xornalista e escritor arxentino Horacio Verbitsky, o catedrático Julián Casanova (membro do grupo de expertos encargado da busca de fosas comúns e a identificación das vítimas no sumario contra os crimes franquistas promovido por Baltasar Garzón) ou o catedrático da Universidade de Pisa Gabriele Ranzato (considerado un dos máximos eruditos da historia española do século XX e concretamente da II República Española e a Guerra Civil).
Agora presentamos as consideraciones, reflexións e conclusións parciais presentadas nas diferentes mesas do congreso ou derivadas dos debates suscitados nel.
Etiquetado como Memoria, Guerra civil, Investigación