Urania Mella Serrano
Natural de Vigo (Pontevedra). Directiva da "Agrupación de Mujeres contra la Guerra y el Fascismo" de Vigo. Filla do pensador anarquista e promotor do servizo de tranvías en Vigo, Ricardo Mella. En 1936 foi detida e xulgada en Vigo por rebelión militar co resultado de sentencia a pena de morte xunto ao seu marido, o socialista e directivo tranviario Humberto Solleiro, quen foi fusilado deixando catro fillos. Tras longos anos de cárcere en Vigo e Saturrarán, Urania estableceuse precariamente en Lugo, onde faleceu en 1945.