O oitavo 'Premio da recuperación da memoria' da Fundación Alexandre Bóveda para o Proxecto "Nomes e Voces"

O oitavo 'Premio da recuperación da memoria' organizado pola Fundación Alexandre Bóveda recaeu no Proxecto "Nomes e Voces" dirixido por Lourenzo Fernández Prieto entre os anos 2006 e 2013. Membros do equipo acudiron o día 17 de agosto, día de Galicia Mártir, ao acto cívico onde lles foi entregado o galardón que Lourenzo Fernández agradeceu como responsable do traballo de investigación que 'Nomes e Voces' ten realizado sobre datos das víctimas represalidas en Galicia.

Seminario 'Migracións e memoria histórica' no Consello da Cultura Galega

Lourenzo Fernández Prieto foi un dos historiadores galegos que participaron no seminario 'Migracións e memoria histórica' celebrado no CCG en Santiago de Compostela. Nestas xornadas, coordinadas por Antonio Izquierdo e Ramón Villares, historiadores e profesionais especializados na materia, destacaron que a aplicación da lei da memoria histórica está "paralizada" e critican que a falta de financiación impide que se poda cumplir o que promulga.

Galería de imaxes da presentación do libro "A represión franquista na comarca da Coruña" en Bergondo

O Proxecto 'Nomes e Voces' ven de presentar o libro "A represión franquista na comarca da Coruña" en Bergondo (A Coruña). No acto participaron en representación do Proxecto "Nomes e Voces", o Profesor Emilio Grandio e o Investigador Xurxo Pantaleón, xunto a Manuel Monge e Martha Antuña, da CRMH. Estivo organizado pola Comisión pola Recuperación da Memoria Histórica da Coruña en colaboración co Concello de Bergondo.

Presentación do libro Largo Caballero. El tesón y la quimera". Homenaxe ao seu autor Julio Aróstegui (1939-2013)

O pasado venres 22 de febreiro celebrouse no Museo Casares Quirora na Coruña, a presentación do libro "Largo Caballero. El tesón y la quimera". Homenaxe ao seu autor Julio Aróstegui (1939-2013)". Este acto foi organizado polo Ateneo Republicano de Galicia en colaboración co Proxecto Nomes e Voces e o grupo HISTAGRA. Contou coa presenza dos profesores Lourenzo Fernández Prieto (USC) e Jorge Marco (UCM).

Galería de imaxes da presentación da obra "A represión franquista na comarca da Coruña" en Carral

O pasado día 24 de xaneiro presentouse na Casa de Cultura de Carral o libro "A represión franquista na comarca da Coruña" (Laiovento, 2012), do Proxecto Nomes e Voces. Esta é a galería de imaxes do acto no que participaron Emilio Grandío, Coordinador do Proxecto 'Nomes e Voces'; Xurxo Pantaleón, Investigador do Proxecto 'Nomes e Voces', Fernando Souto e Francisco Pillado de Ediciós Laiovento.

Congreso "De genocidios, holocaustos, exterminios..."

O Congreso "De genocidios, holocaustos, exterminios..." celebrouse os días 25 e 26 de outubro de 2012 no Salón de Actos da Facultade de Xeografía e Historia da UCM coa participación dos Profesores e membros do Proxecto 'Nomes e Voces': Lourenzo Fernández Prieto (USC) e Julio Prada Rodríguez (UdV), xunto ao investigador membro de HISTAGRA Antonio Miguez Macho.

Seminario: La socialización en la guerra contra la República y los apoyos de la dictadura franquista

O xoves 27 de setembro celebrouse a xornada de debate: La socialización en la guerra contra la República y los apoyos de la dictadura franquista. Reclutamiento, movilización y participación en el “Ejército sublevado” (1936-1939). Participaron Andrés Domínguez Almansa e Lourenzo Fernández Prieto para presentar o Proxecto: Hipóteses de partida e borrador de resultados. Francisco Leira Castiñeira expuxo o seu texto de debate que foi retrucado por Antonio Míguez Macho e Daniel Lanero.

Seminario da investigadora Raquel Varela acerca dos conflitos sociais

Raquel Varela, investigadora da Universidad Nacional de Lisboa, foi invitada polo grupo de Investigación HISTAGRA a través de "Nomes e Voces", a participar en dúas actividades académicas na Facultade de Xeografía e Historia. O día 17 tivo lugar na Aula 15 da Facultade de Xeografía e Historia a presentación-Conferencia de Raquel Varela: 'International Association Strikes and Social Conflicts: uma associação global de estudo do trabalho e dos conflitos sociais'. O día 18 tivo lugar o Seminario: 'No Mesmo Barco? Operários navais no mundo, um projecto de história global do trabalho'. Neste Seminario a propia Raquel Varela mostrou as liñas de traballo e os estudos que sobre este tema está a levar a cabo como mebro do grupo 'International Association Strikes and Social Conflicts: uma associação global de estudo do trabalho e dos conflitos sociais'.

V Encontro O Son da Memoria: As coleccións sonoras de Galicia

O 27 de abril, o Consello da Cultura Galega organizou o "V Encontro O Son da Memoria: As coleccións sonoras de Galicia ante o presente dixital", no Auditorio da Biblioteca de Galicia da Cidade da Cultura en Santiago de Compostela. Un encontro de posuidores ou xestores de coleccións de gravacións sonoras que existen no país, entre as que se atopa o Proxecto 'Nomes e Voces', co fin de intercambiar información sobre as novas realidades e estudar as formas de coordinación posibles. Esta é a galería de imaxes do evento. Lourenzo Fernández Prieto participou na mesa redonda: "Os Arquivos nas Universidades Galegas", xunto con Francisco Fernández Rei (Instituto da Lingua Galega) e Camiño Noia (Universidade de Vigo).

Presentación do libro "José Pasín Romero" do Investigador Dionisio Pereira

O investigador e economista Dionisio Pereira presentou o seu último libro: José Pasín Romero: "Memoria do proletariado militante de Compostela", editado pola Fundación 10 de Marzo. A presentación contou coa presenza do autor, do profesor Lourenzo Fernández Prieto, Director do Proxecto 'Nomes e Voces' e Víctor Santidrián, da Fundación 10 de marzo. José Pasín Romero, ebanista de profesión, fuxe e vive nos montes da contorna, no momento do golpe militar, ate que en 1939 se entrega. Condeado por responsabilidades políticas a pagar unha multa de 200 ptas e inhabilitadon a exercer cargos públicos durante seis anos. Os seus fillos Marcelino e Modesto Pasín Noya foron executados.

Presentación do libro "A represión franquista na comarca da Coruña", de Nomes e Voces

O venres 13 de abril, o libro "A represión franquista na comarca da Coruña" do proxecto Nomes e Voces foi presentado na cidade de A Coruña. No acto participaron Emilio Grandío, Coordinador do Proxecto 'Nomes e Voces'; Xurxo Pantaleón, Investigador do Proxecto 'Nomes e Voces' e Manuel Monge, ex Presidente da Comisión pola recuperación da memoria histórica da Coruña. A obra recolle as semblanzas de 600 persoas asasinadas, así como numerosas fotografías e material gráfico recollido polo Proxecto "Nomes e Voces" durante o seu traballo de investigación. Esta é a galería de imaxes do acto.

43rd Annual Conference of the Association for spanish and portuguese studies

Lourenzo Fernández Prieto e Dionísio Pereira participaron entre os días 22 e 25 de marzo no congreso: "43rd Annual Conference of the Association for spanish and portuguese studies" celebrado na Tufts University in Medford de Massachusetts. Neste encontro, debateron sobre a represión franquista exercida sobre os portugueses radicados en territorio galego, nunha ponencia que levou por título: "A repressão franquista contra os cidadãos portugueses radicados na Galiza (1936-1940). Uma perspectiva de história transnacional sobre a persecução dos galegos de origem portuguesa".

Presentación do monográfico 'Xeografía da represión' en Vigo

Lourenzo Fernández Prieto, Dionisio Pereira e Chus Martínez Domínguez presentaron a semana pasada no Museo MARCO de Vigo, o monográfico de nomesevoces.net: "Xeografía da represión en Galicia". O acto estivo organizado pola Asociación Viguesa pola Memoria Histórica do 36 e o Proxecto 'Nomes e Voces'. Este esecial sobre a Xeografía da represión en Galicia foi elaborado polo Investigador e Coordinador do Proxecto ‘Nomes e Voces’, Dionisio Pereira, e desenvólvese no marco do Convenio de Colaboración co Ministerio de Xustiza do Goberno de España.

Seminario-debate Que futuro para o agro?

A Rede de Grupos de Investigación en Agroecoloxía e Historia (ReVolta) organizou o pasado 3 de frebreiro na Escola de Capacitación Agraria Pedro Murias (Vilaframil-Ribadeo) un debate sobre o futuro do agro. Esta actividade tivo como obxectivo analizar o estado actual do agro, abordando esta cuestión sen restricións, desde os diferentes puntos de vista existentes no mundo científico e académico: historia, agronomía, economía, agroecoloxía, antropoloxía, socioloxía, bioloxía, tecnoloxía de alimentos, edafoloxía, xeografía, dereito, ciencia política... Nela participaron destacados especialistas.

Seminario do Profesor Luciano Concheiro no Consello da Cultura Galega

O Consello da Cultura Galega e o Proxecto Interuniversitario 'Nomes e Voces' convidou ao Profesor e Investigador Luciano Concheiro (Universidad Autónoma Metropolitana, México), para participar nun seminario dedicado ao exilio republicano en México. O Profesor Concheiro foi presentado Presidente do CCG, Ramón Villares Paz. A principal liñas de investigación do Investigador mexicano é estudo de mercado de terras en México. Na súa investigación realiza un diagnóstico e estuda alternativas sobre o mercado de terras para establecer unha proposta campesiña. Dirixe un estudo a nivel nacional e en concreto nos Ejidos de Oacalco e Tepoztlán, Morelos. Así mesmo, desenvolve unha investigación sobre a relación Estado e Campesiños en México.

O Profesor Carlos Closa debate sobre a memoria na USC

O Profesor Carlos Closa participou en distintas actividades académicas en Santiago de Compostela, convidado polo Departamento de Historia Contemporánea e de América e o Proxecto 'Nomes e Voces'. O xoves día 15 impartiu unha conferencia na Sede Fundación novacaixagalicia-Claudio Sanmartín (Rúa do Vilar, 19) baixo o título de: "Demandas de reconocimiento: La UE y la memoria histórica". O venres día 16, na Facultade de Xeografía e Historia, o profesor Closa participou nun Seminario xunto ao Grupo de investigación do CSIC "Laboratorio de Patrimonio"; o Grupo HISTAGRA do Departamento de Historia Contemporánea e de América da Facultade de XªeHª; o equipo de Investigación do Proxecto Interuniversitario 'Nomes e Voces' e os membros do Departamento de Historia Contemporánea e de América da USC.

Acto de cesión da documentación histórica do sindicalista José Villaverde Velo á Real Academia Galega

O día 29 de xuño tivo lugar a cesión da documentación histórica do sindicalista José Villaverde Velo á Real Academia Galega, nun acto no que participaron as irmáns Mar y Luz e Olga Villaverde Otero e o presidente da Academia, Xosé Luís Méndez Ferrín. Cúmprese así un dos desexos dos familiares de Villaverde Velo: que a documentación de carácter político agochada durante a Guerra Civil e a ditadura franquista remate nun Centro Documental de carácter públicoa ccesible a toda a cidadanía interesada na historia do movemento obreiro galego e na represión franquista acontecida tralo golpe de estado de xullo de 1936. Estas son as imaxes do evento.

Acto de presentación do libro "Cuando las derrotas otorgan la victoria", de Xosé Fortes

Presentación do libro de Xosé Fortes 'Cuando las derrotas otorgan la victoria. Batallas perdidas de un capitán de la Unión Militar Democrática' (Destino, 2011), na Sala de profesores da Facultade de Xeografía e Historia. Estas son as imaxes imaxes da presentación. No acto, acompañaron ao autor Lourenzo Fernández Prieto, Director do Departamento de Historia Contemporánea e América, o Presidente do CCG e Catedrático de Historia Contemporánea, Ramón Villares Paz e o Presidente da RAG e escritor, Xosé Luís Méndez Ferrín.

Presentación da investigación de 'Nomes e Voces' na Residencia Universitaria Monte da Condesa

O martes 29 de marzo, o Proxecto Interuniversitario "Nomes e Voces" presentou a súa investigación ao redor da represión franquista na Residencia Universitaria Monte da Condesa, edificio no que desde hai catro anos, o Proxecto desenvolve a súa actividade diaria.

Coloquio Internacional Memoria da Guerra, Reconciliación e Cultura de Paz

Estas son as imaxes das xornadas do Coloquio Internacional Memoria da Guerra, Reconciliación e Cultura de Paz. Diferentes profesionais do ámbito da investigación, xurídico e asocietario participaron en diferentes mesas de encontro, con especialistas no estudo histórico e xurídico dos procesos de paz e reconciliación. Xunto ás vítimas de procesos represivos, analizaron en perspectiva as diferentes experiencias no referente á superación de conflitos bélicos e ditaduras, incidindo nas políticas transicionais levadas a cabo desde os diferentes gobernos.

A navalla suíza
Responsable
Universidade de Santiago de Compostela
Colaboradores
Universidade de Vigo Universidade da Coruña Deputación de Lugo
Patrocina
Feder Xunta de Galicia
Deputacion da Coruña As Pontes de García Rodríguez