Hoxe "Nomes e Voces" participa en 'A Memoria Silenciada. Compostela e Conxo'

 Hoxe, xoves 7 de abril comeza en Conxo, o programa A Memoria Silenciada. Compostela e Conxo, organizada polo Concello de Santiago, Rede Municipal de Centros Socioculturais, Centro Sociocultural de Conxo e Psiquiátrico de Conxo.

Hoxe na prensa: "Aínda queda franquismo dabondo e determínanos politicamente"

O xornalista do diario El País, Óscar Iglesias, entrevista ao Investigador e Coordinador do Proxecto 'Nomes e Voces', Dionísio Pereira, con motivo da recente publicación do seu útimo libro: Loita de clases e represión franquista no mar (1864-1939), de Xerais.

Licenciado en Ciencias Económicas na USC, Dionisio Pereira (A Coruña, 1953) é historiador especialista na historia dos movementos sociais na Galicia contemporánea, ao que ten dedicado numerosos artigos e libros. Entre as súas obras destacan A CNT na Galiza (1922-1933), 1994; Sindicalistas e Rebeldes, 1998; Imaxes da Fatiga. Crónica gráfica do traballo na Galiza, 1999; Foulas e Ronseis (Retrincos para un tratado do Mar dos Galegos), 2005. Asi mesmo, coordinou e participou no volume colectivo Os conquistadores Modernos, 1992. Na actualidade é coordinador do Proxecto Interuniversitario "Nomes e Voces" e durante os últimos anos traballou no eido da cultura marítima de Galicia.

Entrevista a Dionisio Pereira

"Ferrol recuperando a memoria. A verdade nunha man pechada"

 Ciclo que conmemora os 80 anos da proclamación da II República e 75 anos do golpe de estado de 1936. O evento está impulsado polo Concello de Ferrol a través das Concellarías de Cultura e Benestar Social e Muller, e coorganizado coa Asociación Cultural Fuco Buxán, amais da colaboración doutras entidades sociais e investigadoras como é o caso do Proxecto Interuniversitario "Nomes e Voces". Este Proxecto ofreceu o seu asesoramento en materia histórica e estará presente nas actividades, coa intervención do seu director, Lourenzo Fernández Prieto, nunha das súas mesas redondas.

Acto de lectura da tese de doutoramento do Investigador Antonio Somoza Cayado

O venres 11 de marzo ás 11.00 horas, terá lugar no Paraninfo da Facultade de Xeografía e Historia da USC, o acto de lectura e defensa da tese de doutoramento de Antonio Somoza Cayado titulada "Construción e destrución da cidadanía societaria: Dinámica social e política da provincia de Lugo na Segunda República e nos primeiros anos do franquismo (1930-1950)".

Este traballo está dirixido polos profesores da USC, Lourenzo Fernández Prieto e Pilar López Rodríguez.

Grupo de Referencia Competitiva de Historia Agraria e Política do Mundo Rural. Séculos XIX e XX (Histagra, GI-1657)

Departamento de Hª Contemporánea e de América. USC

Organiza: Universidade de Santiago de Compostela

O fondo de entrevistas do Proxecto de Investigación Interuniversitario "Nomes e Voces" xa ten ao redor de 450 entrevistas

O Proxecto de Investigación Interuniversitario “As vítimas, os nomes e as voces” ven de incrementar o seu fondo sonoro con novas gravacións a persoas que sufriron a represión directamente ou aos seus familiares. En maio de 2009 están catalogadas 449 entrevistas repartidas nas catro provincias galegas, Uruguai, Arxentina, Cuba, Costa Rica, Asturias, Cataluña, País Vasco e Madrid.

Nos próximos meses acometerase de novo o estudo da represión franquista atendendo aos testemuños orais, sobre todo a aqueles que nos aporten datos novos e descoñecidos: familiares de desaparecidos, xente que foi represaliada –o que supón falar con persoas cunha media de idade superior aos 80 anos- ou ben que teñan memoria de espazos até agora non visitados polos investigadores.

As provincias de Coruña e Pontevedra son as que máis testemuños aportan -máis do 50% das entrevistas realizadas-, seguidas pola de Ourense e Lugo. A presenza da muller, feito este destacado desde o comezo do proxecto, é importante en Pontevedra, superando ao número de homes entrevistados. En xeral, destacan os concellos de Cangas do Morrazo, Bueu, Marín, A Estrada, Vilagarcía, A Cañiza e Ponteareas en Pontevedra; os de Betanzos, Mugardos e As Pontes na Coruña; Ribadeo, A Pontenova, A Fonsagrada, Monforte de Lemos e O Saviñao en Lugo e Sandiás, O Barco de Valdeorras e Ribadavia en Ourense, amais das capitais.

Respecto ás testemuñas, son máis abundantes os fill@s de represaliados, tendo en conta que nesta categoría están os nacidos nos anos trinta e que, polo tanto, eran pequenos en 1936 e tamén os nacidos nos anos vinte e que xa eran uns adolescentes cando aconteceron os feitos represivos.

Deste xeito, o Proxecto de investigación ofrece á sociedade uns fondos únicos para o estudo da represión e a instauración do réxime franquista en Galicia e que agardamos sexa referente para todas aquelas persoas que se adentren nos estudos desta etapa da nosa historia.