Homenaxe a Delfino Liñeira Fraga. Sindicalista

O sábado 30 de abril, celebrarase en Toques a Homenaxe a Delfino Liñeira Fraga, militante do sindicato de tranviarios xulgado na Coruña por rebelión militar co resultado de sentenza a pena de morte en 1937. O acto está órganizado polo Concello de Toques e a colaboración do Proxecto Nomes e Voces e a familia de Delfino Liñeira Fraga.

Presentación do libro Cuando las derrotas otorgan la victoria, de Xosé Fortes

 Participarán neste acto presentado por Lourenzo Fernández Prieto, Director do Departamento de Historia Contemporánea e América e Catedrático de Historia Contemporánea, o Presidente do CCG e Catedrático de Historia Contemporánea, Ramón Villares Paz; o Presidente da RAG e escritor, Xosé Luís Méndez Ferrín; que serán os encargados de abrir este acto ás 19.00 horas. A continuación o autor, Xosé Fortes, exporá a análise do seu libro. Ciencia e Innovación.

Presentación do libro "Historia dun ermo asociativo", de Daniel Lanero

Participarán neste acto Ramón Villares Paz -Catedrático de Historia Contemporánea da USC-, Lourenzo Fernández Prieto-Catedrático de Historia Contemporánea da USC-, Víctor Manuel Santidrián Arias -Fundación 10 de marzo- , X. Amancio Liñares Giraut-director editorial de 3C3- e o propio autor

Xosé Manoel Núñez Seixas participará nas xornadas 'Exilios y migraciones. Aragón en el camino', en Zaragoza

O luns día 25 de abril terán lugar as xornadas Exilios y migraciones. Aragón en el camino en Zaragoza, unha actividade organizada polo Gobierno de Aragón. Departamento de Educación, Cultura y Deporte.

Xosé Manoel Núñez Seixas, Catedrático de Historia Contemporánea pola USC e coordinador do Proxecto Interuniversitario "Nomes  e Voces" participará no programa destas xornadas coa conferencia: "Un continente en fuga. Éxodos en la Europa del siglo xx", e será presentado polo profesor Alberto Sabio Alcutén, da Universidad de Zaragoza.

Exilios y migraciones. Aragón en el camino constitúe unha proposta de análise e divulgación dos grandes  movementos de poboación habidos en Europa durante o convulso século XX. Desprazamentos forzados de cidadáns entre distintos países, pogroms, depuración étnica, xenocidios, persecucións, exilios, deportacións… galonan as páxinas da Historia desde as guerras balcánicas de 1912-1913, pasando polos períodos de entreguerras, os transvases de poboación xerados polos cambios de fronteiras en 1940-47, as consecuencias da guerra fría ou da desintegración de Yugoslavia no último decenio do século. Tamén pretende ofrecer unha visión global en torno ás consecuencias da guerra civil, tanto no concernente á saída de España de escritores, científicos, artistas ou militares republicanos abocados ao desarraigo e ao estrañamento, aos campos de concentración e exterminio, canto ao obrigado exilio interior ao que foron condenados os perdedores como consecuencia das leis represoras do Réxime. Finalmente abordaranse fenómenos particulares como a emigración económica española de mediados do pasado século, a despoboación no ámbito rural aragonés ou políticas como a que determinou a construción de pobos de colonización. Así mesmo, pretendese ofrecer unha mirada crítica e obxectiva á realidade dun Aragón multiétnico, que acolle e trata de integrar a unha poboación que busca as súas oportunidades vitais neste territorio.

Xosé Manoel Núñez Seixas participa en "Diasporas et antifascisme en Europe (1920-1950)

 O catedrático e coordinador de "Nomes e Voces", Xosé Manoel Núñez Seixas, participará na primeira das sesión do coloquio "Diasporas et antifascisme en Europe (1920-1950), que se celebrará no Centre universitaire Jean-François Champollion, en Albi (Occitania), o vindeiro xoves14 de abril.

A súa conferencia levará por título «Lesminorités politiques antifascistes en exil : émigrés, ethno-nationalisme et diasporas en Europe, 1919-1939 »