Blog

Toda información de interese que sae ao redor deste proxecto.

Inauguración do 'Memorial ás vítimas do Franquismo' na Coruña

Inauguración do 'Memorial ás vítimas do Franquismo' na Coruña

O vindeiro domingo día 19, A Comisión pola Recuperación da Memoria Histórica da Coruña, en colaboración co Proxecto Nomes e Voces, que lle cedeu a listaxe de vítimas da súa investigación, o Concello da Coruña, a Deputación Provincial da Coruña e o Ministerio de Presidencia, inaugurará o vindeiro domingo 19 de decembro o 'Memorial ás vítimas do Franquismo'.

O programa do acto é o que segue:

Domingo 19

Ás 17.00 horas, na avenida de Navarra da Coruña

Inauguración do Memoriañ ás Vítimas da represión franquista, "Xermolos de paz e liberdade", do escultor Valdi.

Lectura colectiva dos nomes das vítimas dos concellos da Coruña, Abegondo, Arteixo, Bergondo, Betanzos, Cambre, Carral, Culleredo, Oleiros e Sada.

Recitado do poema "Paz para sempre" por Claudio Rodríguez Fer

Actuacións musicais: Polifónica Coruñesa Canticorum; Xosé Taboada e César Morán.

Xantar da Irmandade. Antes da inauguración do Memorial, haberá ás 14.00 horas, un xantar de irmandade no hotel Meliá María Pita

Mércores 15

Ás 20.00 horas, no salón de actos da Fu8ndación Caixa Galicia, no cantón Grande da Coruña

Presentación do libro "A Historia secuestrada polo franquismo". Coa asistencia de Manuel Monge, de Francisco Pillado por Edicións Laiovento e do escritor Manuel Rivas

Martes 21

Ás 20.00 horas, no teatro Rosalía de Castro da Coruña

Homenaxe aos familiares das vítimas da represión franquista

Recital poético

Actuacións musicais: A quienlla; Xosé Taboada, César Morán e Paco Campos

Presentación do acto: Xurxo Souto, Isabel Risco.

Gardado en Noticias 16 de decembro de 2010 | sen comentarios
Etiquetado como Memoria, Guerra civil, Represión

Segunda xornada do Coloquio Internacional 'Memoria da Guerra, Reconciliación e Cultura de Paz'

Segunda xornada do Coloquio Internacional 'Memoria da Guerra, Reconciliación e Cultura de Paz'

 A segunda xornada do Coloquio Internacional comezaba esta mañá coa mesa número 5, titulada ' A recuperación cívica das memorias. O pasado oculto desde a sociedade'. Moderada polo investigador Eliseo Fernández, contou coa participación de Cecilio Gordillo (Todos los nombres de Andalucía), Manuel Monge (Comisión pola Recuperación da Memoria Histórica da Coruña), Mesa de Catalunya d’Entitats Memorialistes, Emilio Silva (Asociación para la Recuperación de la Memoria Histórica), Carlos Meixome (Instituto de Estudos Miñoranos) e Silvia Fernández (Coalición Internacional de Sitios de Conciencia)

Gardado en Noticias 15 de decembro de 2010 | sen comentarios
Etiquetado como Memoria, Guerra civil, Investigación, Historia

Primeira xornada do Coloquio Internacional 'Memoria da Guerra, Reconciliación e Cultura de Paz'

Primeira xornada do Coloquio Internacional 'Memoria da Guerra, Reconciliación e Cultura de Paz'

 Hoxe, ás 9.00 horas, daba comezo no Auditorio da Facultade de Ciencias da Comunicación da USC, a primeira das dúas xornadas que conforman o Coloquio Internacional 'Memoria da Guerra, Reconciliación e Cultura de Paz', no marco do Foro 2010, promovido polo Seminario Galego de Educación para a Paz e a Fundación Cultura de Paz e que conta cos auspicios da ONU e da UNESCO (www.foro2010.org).

Gardado en Noticias 14 de decembro de 2010 | sen comentarios

Presentación aos medios do programa Coloquio Internacional "Memoria da Guerra, Reconciliación e Cultura de Paz

Presentación aos medios do programa Coloquio Internacional "Memoria da Guerra, Reconciliación e Cultura de Paz

   Do 13 ao 15 de decembro expertos internacionais de primeiro nivel reuniranse no Coloquio Internacional ‘Memoria da Guerra, Reconciliación e Cultura de Paz’ que organiza o proxecto ‘Nomes e Voces’ dentro das actividades do Foro 2010. O programa deste encontro presentárono en rolda de prensa o director do proxecto, o catedrático Lourenzo Fernández Prieto, o historiador e profesor emérito da Universidade de Nova York Nicolás Sánchez Albornoz que será o encargado de pronunciar a conferencia inaugural e o Procurador  de Derechos Humanos de la República del Salvador,  Salvador Menendes Leal.

 O ámbito que aborda o coloquio permítelle á historia situarse como un elemento de reconciliación consciente, ao “revisitar” o pasado a través de novas técnicas e medios, sinalou Lourenzo Fernández Prieto na presentación. O coordinador do proxecto ‘Nomes e Voces’ resaltou ademais a necesidade que a reconciliación se realice “sobre o coñecemento e non sobre a ignorancia forzada”. O Coloquio ponse así en disposición de achegar a súa particular contribución á construción da cultura de paz.

 

 A evolución de España a través da historia recente pon de manifesto a potenciación desta cultura de paz, dixo pola súa banda Nicolas Sánchez-Albornoz, quen alertou de que “a memoria está desaparecendo”. O catedrático considera que os protagonistas –entendidos como fontes orais de información- do período franquista desapareceron ou cóntanse cos dedos da man polo que a fonte principal para estudar esta época da historia española pronto serán unicamente os arquivos, engadiu.

 

 Este coloquio contará entre os seus convidados a destacados estudosos da recuperación da memoria histórica, procedentes de España e de fóra. É o caso do xornalista e escritor arxentino Horacio Verbitsky, o catedrático Julián Casanova (membro do grupo de expertos encargado da busca de fosas comúns e a identificación das vítimas no sumario contra os crimes franquistas promovido por Baltasar Garzón) ou o catedrático da Universidade de Pisa Gabriele Ranzato (considerado un dos máximos eruditos da historia española do século XX e concretamente da II República Española e a Guerra Civil).

Tamén intervirán o catedrático e ex reitor da Universidade de Valencia Pedro Ruiz, presidente da Asociación de Historia Contemporánea e director de diversas publicacións especializadas; a profesora Maria Luiza Tucci Carneiro, que desenvolve investigacións sobre cuestións dos dereitos humanos, intolerancia, anti-semitismo, etnicidade, escravitude, censura, nazismo e inmigración xudía a Brasil; ou Silvestre Lacerda, director da Direcçao Geral de Arquivos (DGARQ), un servizo central da administración estatal portuguesa coordinador do sistema nacional de arquivos. (Fonte: redacción Xornal USC)

Gardado en Noticias 13 de decembro de 2010 | sen comentarios

Actividade autoxestionada do Proxecto "Nomes e Voces"

O domingo día 12 de decembro na Sala 3 da Facultade de Ciencias da Comunicación, Andrés Domínguez Almansa, investigador do Proxecto "Nomes e Voces" propuxo unha actividade autoxestionada dentro do programa educativo do Foro 2010.

A actividade levou por título "Recursos didácticos para o estudo da represión franquista en Galicia, e consistiu nun obradoiro, no cal se acometeron varias actividades acomplementarias: 1) Presentación dos resultados do proxecto. 2) Presentación e valoración por parte de varios especialistas en pedagoxía. 3) Intervención dos asistentes, especialmente docentes.

A Web do Proxecto ofrece á comunidade educativa os produtos da investigación, de xeito que poda converterse nun útil de traballo na aula e unha nova vía de coñecemento. A propia Web e, especialmente, a base de nomes con todas as súas posibilidades é en si mesmo un instrumento cunha importante vocación didáctica, mediante a cal se poden levar a cabo diversas propostas de traballo: o coñecemento da represión no concello onde se encontra o centro de ensino; o coñecemento máis pormenorizado dunha vítima en particular; recoñecer os apelidos das vítimas e poñelos en relación coa comunidade do presente; a represión en función do xénero, idade ou grupos socio-profesionais.

Galería de imaxes

Gardado en Noticias 10 de decembro de 2010 | sen comentarios
Etiquetado como Educación
 

Aviso de uso deste blog

A utilización deste espazo implica a aceptación plena das disposicións e condicións de uso que o Proxecto “Nomes e Voces” dispoña, reservándose o dereito de modificar en calquera momento e sen previo aviso os contidos e as condicións do mesmo da forma que sexa oportuna.

Textos de microhistorias

A través desta páxina podes colaborar co Proxecto compartindo testemuñas, acontecementos ou historias de vida relacionadas coa represión franquista.

Subscribirse ao blog por rss

A navalla suíza
Responsable
Universidade de Santiago de Compostela
Colaboradores
Universidade de Vigo Universidade da Coruña Deputación de Lugo
Patrocina
Feder Xunta de Galicia
Deputacion da Coruña As Pontes de García Rodríguez