Blog

Toda información de interese que sae ao redor deste proxecto.

A investigadora Caroline Rothauge visitará a sede do Proxecto "Nomes e Voces"

A investigadora Caroline Rothauge visitará a sede do Proxecto "Nomes e    Voces"

Caroline Rothauge visitará o Proxecto "Nomes e Voces" no marco da súa investigación sobre o tratamento da guerra civil e o franquismo no cine español desde os anos noventa.

A investigadora alemaña licenciouse no Centre for the Study of Culture, Justus-Liebig-Universität, onde acadou o título grazas ao estudo da "Guerra civil e a ditadura de Franco no marco das películas e a televisión. Culturas de la memoria y representaciones de las historias"

Gardado en Noticias 25 de novembro de 2009 | sen comentarios

A mesa redonda "La represión. Estado de la cuestión” pecha o “VII Encuentro de Investigadores sobre el franquismo”

A mesa redonda "La represión. Estado de la cuestión” pecha o  “VII Encuentro de Investigadores sobre el franquismo”

Hoxe venres 13, remata o programa do “VII Encuentro de Investigadores sobre el franquismo”, organizado pola Fundación 10 de Marzo e o Departamento de Historia Contemporánea e de América da Universidade de Santiago de Compostela, cunha xornada dedicada á represión.

O encontro dará comezo coa exposición ás 09:30, dunha serie de Paneis sobre represión, antes de pasar á inauguración da sesión centrada en “Cultura y opinión” a cargo de Ángel Rodríguez Gallardo, moderador, e Francisco Sevillano Calero, relator.

Ás 12.00 horas dará comezo a mesa redonda que leva por título ”La represión. Estado de la cuestión”, moderada polo historiador Ricardo Gurriarán e na que participan: o investigador e coordinador do Proxecto “Nomes e Voces”, Dionisio Pereira, os historiadores Javier Rodrigo e Queralt Sole, e o Presidente da Asociación para la recuperación de la memoria histórica, Emilio Silva.

Ás 14:00 procederase a clausurar o acto.

Programa>>

Gardado en Noticias 13 de novembro de 2009 | sen comentarios

O Proxecto "Nomes e Voces" participa no "VII encuentros investigadores sobre franquismo"

O Proxecto "Nomes e Voces" participa no "VII encuentros investigadores sobre franquismo"

O Encuentro de Investigadores sobre el franquismo celebrase desde hai case vinte anos, presentándose como unha reunión que aspira a ser unha posta ao día do coñecemento sobre a ditadura.

Estes encontros son iniciativa das institucións que compoñen a Red de Archivos Históricos de Comisiones Obreras. Celebradas cada dous ou tres anos, son organizadas en cada edición por un deses arquivos en colaboración coas institucións universitarias.

A organización do VII Encuentro de Investigadores sobre el franquismo corresponde este ano á Fundación 10 de Marzo, que o fará en colaboración co Departamento de Historia Contemporánea e de América da Universidade de Santiago de Compostela, dirixido por Xose Manoel Núñez Seixas, coordinador no exterior do Proxecto "Nomes e Voces". O evento terá lugar os días 11, 12 e 13 de novembro de 2009.

O programa está artellado por diferentes sesións de relatores moderadas por profesores da USC, entre os que se atopan os coordinadores do Proxecto "Nomes e Voces": Emilio Grandío e Xosé Manoel Núñez Seixas. Destacamos a celebración de dúas mesas redondas, unha delas de estudos sobre el franquismo, moderada polo profesor Ramón Villares, e unha segunda mesa, na que se debaterá sobre o ámbito da investigación da represión, na que participa Dionisio Pereira, coordinador do "Proxecto Nomes e Voces", para expoñer a experiencia do traballo ao redor da represión franquista.

Durante o encontro, os asistentes coñecerán os pósteres que sobre a represión presenten os investigadores procedentes do mundo académico ou das numerosas asociacións que están traballando neste campo, como é o caso do Proxecto de Investigación Interuniversitario "Nomes e Voces".

Ver programa>>

Gardado en Noticias 12 de novembro de 2009 | sen comentarios

O Proxecto "Nomes e Voces" participará nas xornadas sobre fonte oral do Seminario "Conservando la Memoria", no Salvador

O Proxecto "Nomes e Voces" participará nas xornadas sobre fonte oral do Seminario "Conservando la Memoria", no Salvador

Entre o 10 e o 13 de novembro, celebrarase no estado de El Salvador o Seminario Conservando la Memoria. Las fuentes orales en la historia reciente de El Salvador.

Este seminario responde a un proxecto común entre a USC, a través do departamento de Historia Contemporánea e América e o Centro Interdisciplinario de Estudios Americanistas "Gumersindo Busto", e a Universidad de El Salvador.

Historiadores destas institucións exporán os seus respectivos estudos sobre a fonte oral e a xestión dos arquivos orais e documentais para a memoria histórica. Deste xeito, El Salvador e a USC porán en valor estes arquivos da memoria, no que o Proxecto "Nomes e Voces" leva traballando desde o ano 2006. O Proxecto "Nomes e Voces", representado polo seu director, Lourenzo Fernández Prieto, e o seu coordinador técnico, Xurxo Pantaleón Cadilla, explicarán o traballo desenvolto polos investigadores do Proxecto na fonte oral da represión franquista, que conta cun arquivo que dispón de 467 entrevistas realizadas a represaliados polo franquismo e a familiares directos, que servirá nun futuro para consulta pública.

O Seminario, dirixido por Eduardo Rey Tristán (USC), está baseado na celebración de dúas sesións de traballo. A primeira delas realizouse no mes de maio deste ano, en Santiago de Compostela e levou por título “Archivos orales y documentales: fuentes para el estudio de la memoria histórica en las sociedades contamporáneas”. Este segundo encontro de novembro en El Salvador, pecha o programa de investigación e intercambio científico.

Gardado en Noticias 9 de novembro de 2009 | sen comentarios

Bechir Yazidi reflexionou sobre o exilio republicano en Túnez esta mañá na Facultade de Xeografía e Historia

Bechir Yazidi reflexionou sobre o exilio republicano en Túnez esta mañá na Facultade de Xeografía e Historia

O historiador Bechir Yazidi (Túnez, 1952) impartiu o pasado día 4 de novembro unha conferencia sobre o exilio republicano español en Túnez na Facultade de Xeografía e Historia da USC.

Neste acto o profesor Yazidi presentou en Compostela o seu último libro: El exilio republicano en Túnez (Edicións Embora, 2008), resultado da súa investigación sobre a cuestión do exilio republicano español cara as costas de Túnez a partires de 1939. Lourenzo Fernández Prieto, director do Proxecto “Nomes e Voces” presentou esteacto.

Bechir Yazidi, Doutor en Historia Contemporánea no Institut Supérieur d'Histoire du Mouvement National da Université de la Manouba, é experto nas relacións entre os países do mediterráneo africano e europeo, especialmente entre España e o Magreb. A súa investigación céntrase nas diferentes cuestións que abranguen ao exilio español en Túnez a partires do fin da Guerra Civil de 1936; a forma na que chegaron os españois ás costas tunesinas, dificultades e problemas que xurdiron coa chegada dos refuxiados, a vida dos refuxiados nos campamentos e o impacto da presenza dos refuxiados españois en Túnez.

Esta conferencia está organizada polo Proxecto “Nomes e Voces” dentro do traballo de colaboración que se está a desenvolver entre o Proxecto de Investigación galego e o Institut Supérieur d'Histoire du Mouvement National da Université de la Manouba que coordina Bechir Yazidi e Lourenzo Fernández, en torno á recuperación da memoria no marco do proxecto “La fuente oral como base para el estudio de la represión. El caso de la represión colonial francesa en Túnez y franquista en Galicia” patrocinado pola Agencia Española de Cooperación Internacional para el Desarrollo (AECID) en 2008.

Por este motivo, os investigadores tunesinos, Bechir Yazidi e Mohammed Aouini, están entre os días 2 e 5 de novembro en Santiago de Compostela, co fin de proseguir coas tarefas de colaboración co Proxecto «Nomes e Voces» en torno ao estudo da fonte oral como base para a investigación da represión.

Durante cinco días, os dous equipos de traballo compartirán diferentes actividades organizadas polo Proxecto “Nomes e Voces”, entre as que se atopan a visita ao Arquivo Militar de Ferrol e ao Campo da Rata na Coruña. Este é o segundo encontro de ambos equipos despois da viaxe de investigadores do Proxecto "Nomes e Voces" a Túnez no mes de setembro, e permitirá ao equipo tunesino compartir en Compostela as súas pescudas na recuperación da memoria oral de Túnez, e coñecer as diferentes bases de datos da guerra civil e a represión franquista que os investigadores galegos están a crear desde o ano 2006: a recentemente publicada base de nomes das vítimas da guerra civil (http://vitimas.nomesevoces.net) e as bases relacionadas coa fonte oral e documental.


Bechir Yazidi é Doutor en Historia Contemporánea e Investigador do Institut Supérieur d'Histoire du Mouvement National (ISHMN) de La Manouba (Túnez). Experto nas relacións entre os países ribeirenses do Mediterráneo occidental. En 2005 publicou El dominio del Estado y la política colonial en Túnez desde 1881 hasta la crisis de los años 30 , e no ano 2008 El exilio republicano en Túnez (Edicións Embora).

Gardado en Noticias 5 de novembro de 2009 | sen comentarios
 

Aviso de uso deste blog

A utilización deste espazo implica a aceptación plena das disposicións e condicións de uso que o Proxecto “Nomes e Voces” dispoña, reservándose o dereito de modificar en calquera momento e sen previo aviso os contidos e as condicións do mesmo da forma que sexa oportuna.

Textos de microhistorias

A través desta páxina podes colaborar co Proxecto compartindo testemuñas, acontecementos ou historias de vida relacionadas coa represión franquista.

Subscribirse ao blog por rss

A navalla suíza
Responsable
Universidade de Santiago de Compostela
Colaboradores
Universidade de Vigo Universidade da Coruña Deputación de Lugo
Patrocina
Feder Xunta de Galicia
Deputacion da Coruña As Pontes de García Rodríguez