Blog

Toda información de interese que sae ao redor deste proxecto.

Francisco Espinosa presentou o seu libro “Callar al mensajero” contribuíndo ao debate sobre o dereito a investigar, nun acto organizado polo Proxecto "Nomes e Voces"

Francisco Espinosa presentou o seu  libro “Callar al mensajero” contribuíndo ao debate sobre o dereito a investigar, nun acto organizado polo Proxecto "Nomes e Voces"

O historiador estremeño Francisco Espinosa Maestre (Villafranca de los Barros, Badajoz, 1954) participou nun encontro dedicado á reflexionar acerca do dereito dos investigadores a pescudar no pasado máis recente, co gallo da publicación do seu último libro "Callar al mensajero" (Península, 2009).

O acto tivo lugar o día 22 de outubro ás 11.00 horas na aula 14 da Facultade de Xeografía e Historia da Universidade de Santiago de Compostela, e estivo organizado polo Proxecto de Investigación Interuniversitario “Nomes e Voces”, dirixido polo Catedrático de Historia Lourenzo Fernández Prieto, que segue traballando no marco da investigación sobre a guerra civil e a represión franquista.

O evento estivo presentado e moderado por Fernández Prieto, Investigador Principal do Proxecto, e contou ademais de coa presenza de Francisco Espinosa, coa intervención do investigador Dionisio Pereira, protagonista dun dos episodios que Espinosa recolle neste libro.

A presentación deste libro trae a primeiro termo a cuestión da recuperación da memoria da represión franquista e o dereito dos estudosos a investigar nos feitos que se sucederon tras o Golpe de Estado de 1936. Callar al mensajero é o resultado dun traballo de investigación no ámbito xurídico a través de doce casos nos que os seus protagonistas tiveron que facer fronte a problemas xurídicos. No caso dos historiadores por mor das súas labores de recuperación da memoria histórica, e no caso dos familiares, por tentar resarcir a dignidade das vítimas. O estudo abarca diferentes casos que arrancan na transición, cando a liberdade de expresión aínda era feble e comunicar a ciencia era un problema en moitos ámbitos como o cine, a literatura e os medios de comunicación, chegando á actualidade.

Esta tarde, Espinosa presentará "Callar al mensajero" no Grove, nun acto no que colabora o Proxecto "Nomes e Voces" xunto ao Concello do Grove, e que terá lugar na Casa de Cultura Lueiro Rei a partir das 20.00 horas.

Francisco Espinosa Maestre (Villafranca de los Barros, Badajoz, 1954) é Historiador e Doutor en Historia, ademais de coordinador científico do Proxecto en rede para a consulta de represaliados polo franquismo Todos los Nombres de Andalucía, con sede en www.todoslosnombres.org.

Gardado en Noticias 27 de outubro de 2009 | sen comentarios

O historiador Francisco Espinosa presenta o seu último libro “Callar al mensajero” na Facultade de Xeografía e Historia, en Santiago de Compostela

O historiador Francisco Espinosa presenta o seu último libro “Callar al mensajero” na Facultade de Xeografía e Historia, en Santiago de Compostela

O historiador estremeño Francisco Espinosa Maestre (Villafranca de los Barros, Badajoz, 1954) ofrecerá, hoxe día 22 de outubro, na aula 14 da Facultade de Xeografía e Historia da Universidade de Santiago de Compostela a presentación do seu último libro titulado Callar al mensajero (Península, 2009), nun acto organizado polo Proxecto de Investigación Interuniversitario “Nomes e Voces” ás 11.00 horas.

O acto, introducido polo Catedrático de Historia Lourenzo Fernández Prieto, Investigador Principal do Proxecto, contará coa presenza do autor, que estará acompañado no acto polo investigador Dionisio Pereira, protagonista dun dos episodios que Espinosa recolle neste libro.

O profesor Francisco Espinosa ademais é o coordinador científico do Proxecto en rede para a consulta de represaliados polo franquismo Todos los Nombres de Andalucía. A súa obra, Callar al mensajero presentase como o último traballo dunha longa traxectoria dedicada á investigación da II República, do Golpe de Estado de 1936 e da represión franquista no suroeste peninsular.

A presentación deste libro trae a primeiro termo a cuestión da recuperación da memoria da represión franquista e o dereito dos estudosos a investigar nos feitos que se sucederon tras o Golpe de Estado de 1936. Callar al mensajero é o resultado dun traballo de investigación no ámbito xurídico a través de doce casos nos que os seus protagonistas tiveron que facer fronte a problemas xurídicos. No caso dos historiadores por mor das súas labores de recuperación da memoria histórica, e no caso dos familiares, por tentar resarcir a dignidade das vítimas. O estudo abarca diferentes casos que arrancan na transición, cando a liberdade de expresión aínda era feble e comunicar a ciencia era un problema en moitos ámbitos como o cine, a literatura e os medios de comunicación, chegando á actualidade.

Os casos que o autor aborda no libro teñen como protagonistas diferentes nomes e lugares, entre os que destacamos pola súa proximidade, o acontecido con Dionisio Pereira, investigador e coordinador do Proxecto “Nomes e Voces”, que foi denunciado pola familiares dun suposto represor xa que Pereira proporcionara o seu nome no marco das súas pescudas sobre a represión franquista en Cercedo (Pontevedra); e o falecido Ramón Garrido, autor dun texto de carácter autobiográfico no que se facía referencia á actividade represora do alcalde de O Grove, e que tras figurar na rede, foi retirado tras a denuncia da familia deste.

Con este acto, o Proxecto “Nomes e Voces”, dirixido polo catedrático Lourenzo Fernández Prieto, segue traballando, no marco da súa pescuda sobre a guerra civil e a represión franquista, atento aos debates historiográficos propiciando espazos de encontro favorables ao intercambio académico e científico.


Francisco Espinosa Maestre (Villafranca de los Barros, Badajoz, 1954) é Historiador e Doutor en Historia, ademais de coordinador científico do Proxecto en rede para a consulta de represaliados polo franquismo Todos los Nombres de Andalucía, con sede en www.todoslosnombres.org.

A súa obra, Callar al mensajero presentase como o último traballo dunha longa traxectoria dedicada á investigación da República, do Golpe de Estado de 1936 e da represión franquista no suroeste, traducidas en moitos artigos e publicacións, entre os que destacan: La guerra civil en Huelva (Diputación de Huelva, 1996), La justicia de Queipo (Crítica, 2000), La columna de la muerte (Crítica, 2003), El fenómeno revisionista o los fantasmas de la derecha española (Del Oeste Ediciones, 2005), Contra el olvido (Crítica, 2006) e La primavera del Frente Popular (Crítica, 2007).

Gardado en Noticias 22 de outubro de 2009 | sen comentarios

Presentación do libro “Callar al mensajero”, de Francisco Espinosa Maestre, no Grove

Presentación do libro “Callar al mensajero”, de Francisco Espinosa Maestre, no Grove

Hoxe xoves día 22 de outubro ás 20.00 horas, na Casa de Cultura Lueiro Rei do Grove, presentarase o libro “Callar al mensajero”, último traballo do historiador Francisco Espinosa Maestre, editado por Península en 2009. O acto, organizado polo Proxecto de Investigación Interuniversitario “Nomes e Voces” en colaboración co Concello do Grove, enmárcase nunha xornada de debate e análise dedicada aos atrancos xurídicos cos que se atopan os investigadores, familiares ou interesados na recuperación da memoria do noso recente pasado, á guerra civil e a transición.

A obra de Espinosa ve a luz dous anos despois de que o autor estremeño visitase a vila do Grove para participar nas xornadas: A represión en Galiza: O dereito a saber e a liberdade de investigar, evento organizado por representantes dos colectivos que integran a Iniciativa Galega pola Memoria Histórica, o Consello pola Memoria e a Asociación pola Recuperación da Memoria Histórica do Grove, acto no que se expuxeron algúns dos doce casos que agora Espinosa Maestre recolle nesta obra. Así, o libro ten como obxectivo proporcionar ao público unha visión ampla que lles axude a clarificar e explicar a situación legal coa que se atopan as persoas que loitan por achegarse á verdade da historia da represión a través da fonte oral. O libro consta de doce capítulos dedicados a persoas que se toparon con estes atrancos burocráticos e legais, entre os que destacamos a realidade do investigador galego e coordinador do Proxecto “Nomes e Voces”, Donisio Pereira.

O investigador Dionisio Pereira e o concelleiro Antón Mascato xunto ao autor, serán os encargados de abrir o acto. A continuación proxectarase a película Rocío, dirixida por Fernando Ruiz Vergara en 1982. Este filme é analizado no libro, como exemplo de obra censurada por mostrar a represión na provincia de Huelva. Ao remate da película abrirase un breve debate.

Gardado en Noticias 22 de outubro de 2009 | sen comentarios

O Proxecto "Nomes e Voces" nas V Xornadas de Recuperación da Memoria Histórica en Carral

O Proxecto "Nomes e Voces" nas V Xornadas de Recuperación da Memoria Histórica en Carral

A Asociación Cultura Aberta de Carral (A Coruña), organiza os vindeiros días 21, 22 e 23 de outubro na Casa da Cultura, as V Xornadas de Recuperación da Memoria Histórica en Carral. Estas xornadas pretenden achegarse á realidade da Frente Popular desde diferentes perspectivas, convidando para elo, a especialistas, investigadores e profesores de Historia para participar en conferencias e mesas de debate.

A primeira xornada terá como protagonista a conferencia do profesor estremeño Francisco Espinosa Maestre: “La primavera del Frente Popular”. Esta actividade, organizada en colaboración co Proxecto “Nomes e Voces”, pretende achegarse ao traballo de investigación deste historiador en torno á República e ao Golpe de Estado de 1936, aspirando a contribuír á configuración dun espazo de intercambio académico e científico. O acto terá lugar na Casa de Cultura de Carral ás 20.30 horas.

O xoves día 22 ás 20.30 horas, o catedrático de historia do Instituto Concepción Arenal de Ferrol, Bernardo Maiz, e o profesor da Universidade de Santiago de Compostela e coordinador do Proxecto “Nomes e Voces”, Emilio Grandío Seoane, abordarán “A frente Popular en Galicia: orixes e acción política”. O programa rematará o día 23 a partires das 20.30 horas coa mesa redonda titulada “A memoria da Frente Popular”, na que participarán Julio Prada, profesor de Historia na Universidade de Vigo e coordinador do Proxecto “Nomes e Voces”, Dionisio Pereira, investigador e coordinador do Proxecto “Nomes e Voces” e Andrés Domínguez Almansa, Doutor en Historia e investigador do Proxecto “Nomes e Voces”.

Gardado en Noticias 21 de outubro de 2009 | sen comentarios

Visita do historiador Francisco Espinosa, autor de “Callar al mensajero” a Galicia

Visita do historiador Francisco Espinosa, autor de “Callar al mensajero” a Galicia

O Proxecto de Investigación Interuniversitario “Nomes e Voces” en colaboración coa Asociación Cultura Aberta de Carral e o Concello do Grove, está a organizar a visita do historiador Francisco Espinosa Maestre (Villafranca de los Barros, Badajoz, 1954) ás vilas de Carral, Santiago de Compostela e O Grove, para impartir tres conferencias entorno a diferentes cuestións sobre o estudo da guerra civil e da represión franquista, aproveitando a recente presentación do seu último libro Callar al mensajero [Península, 2009].

Deste xeito o Proxecto “Nomes e Voces”, dirixido polo catedrático Lourenzo Fernández Prieto, segue traballando, no marco da súa pescuda sobre a guerra civil e a represión franquista, atento aos debates historiográficos, propiciando espazos de encontro favorables ao intercambio académico e científico. Coa visita de Francisco Espinosa pretende poñer en pé un instrumento de comunicación e reflexión histórica na sociedade favorable á normalización da investigación do Golpe de Estado de 1936 e da represión franquista.

Francisco Espinosa, Doutor en Historia, ten realizado numerosos estudos sobre a República, a Guerra Civil Española e a represión franquista sobre en Andalucía e Estremadura, sendo un dos fundadores e asesor histórico da Asociación “Todos los nombres”.

Nos actos organizados en Carral, Santiago de Compostela e O Grove, o profesor Espinosa impartirá conferencias relacionadas con estes traballos, ademais de presentar o seu último libro Callar al mensajero, onde recolle doce casos relacionados con problemas xudiciais e a “memoria histórica”, nos que os xuíces tiveron que resolver á discordia existente entre os dereitos ao honor e o dereito á información.

O programa de actividades no que participará Francisco Espinosa comeza o día 21 de outubro na Casa de Cultura de Carral, onde se celebran as V Xornadas de Recuperación da Memoria Histórica en Carral, dedicadas ao trunfo electoral do Frente Popular, en febreiro de 1936. O autor abrirá estas xornadas organizadas pola Asociación Cultura Aberta coa conferencia titulada “La primavera del Frente Popular”, título homónimo do seu estudo publicado en 2007: La primavera del Frente Popular. Los campesinos de Badajoz y el origen de la guerra civil (marzo-julio de 1936) [Crítica, 2007]. Neste libro Espinosa explora o contexto da República, a cuestión agraria en Badaxoz durante a etapa do Frente Popular e o que sucedeu nos meses de febreiro-xullo de 1936, anterior á represión desencadeada nas zonas rurais.

O xoves día 22, Espinosa Maestre estará pola mañá en Santiago de Compostela para presentar a súa última obra Callar al mensajero na aula 14 da Facultade de Xeografía e Historia da USC. O acto, organizado polo Proxecto de Investigación “Nomes e Voces” estará presentado polo profesor e coordinador deste Proxecto, Xosé Manoel Núñez Seixas e acompañará ao autor, Dionisio Pereira, protagonista dunha das testemuñas que Espinosa estuda no libro.

Ese mesmo día, a partires das 20.00 h, Francisco Espinosa acudirá a O Grove para presentar o seu libro Callar al mensajero na Casa de Cultura Lueiro Rei, nunha xornada organizada polo Concello do Grove e o Proxecto “Nomes e Voces”. O investigador Dionisio Pereira e o concelleiro Antón Mascato xunto ao autor, serán os encargados de abrir o acto. A continuación proxectarase a película Rocío, dirixida por Fernando Ruiz Vergara en 1982. Este filme é analizado no libro, como exemplo de obra censurada por mostrar a represión na provincia de Huelva. Ao remate da película abrirase un breve debate.


Francisco Espinosa Maestre (Villafranca de los Barros, Badajoz, 1954) é Historiador e Doutor en Historia na Universidad de Sevilla, ademais de coordinador científico do Proxecto en rede para a consulta de represaliados polo franquismo Todos los Nombres (http://www.todoslosnombres.org) de Andalucía.

A súa última obra, Callar al mensajero presentase como o último traballo dunha longa traxectoria dedicada á investigación da República, do Golpe de Estado de 1936 e da represión franquista no suroeste, traducidas en moitos artigos e publicacións, entre os que destacan: La guerra civil en Huelva (Diputación de Huelva, 1996), La justicia de Queipo (Crítica, 2000), La columna de la muerte (Crítica, 2003), El fenómeno revisionista o los fantasmas de la derecha española (Del Oeste Ediciones, 2005), Contra el olvido (Crítica, 2006) e La primavera del Frente Popular (Crítica, 2007).

Gardado en Noticias 19 de outubro de 2009 | sen comentarios
 

Aviso de uso deste blog

A utilización deste espazo implica a aceptación plena das disposicións e condicións de uso que o Proxecto “Nomes e Voces” dispoña, reservándose o dereito de modificar en calquera momento e sen previo aviso os contidos e as condicións do mesmo da forma que sexa oportuna.

Textos de microhistorias

A través desta páxina podes colaborar co Proxecto compartindo testemuñas, acontecementos ou historias de vida relacionadas coa represión franquista.

Subscribirse ao blog por rss

A navalla suíza
Responsable
Universidade de Santiago de Compostela
Colaboradores
Universidade de Vigo Universidade da Coruña Deputación de Lugo
Patrocina
Feder Xunta de Galicia
Deputacion da Coruña As Pontes de García Rodríguez