Blog

Toda información de interese que sae ao redor deste proxecto.

O Proxecto de Investigación "As vítimas, os nomes, as voces e os lugares" organiza a conferencia do historiador Gabriele Ranzato en Compostela

O Proxecto de Investigación "As vítimas, os nomes, as voces e os lugares" organiza a conferencia do historiador Gabriele Ranzato en Compostela

O día 11 de febreiro de 2009, o profesor e investigador da Facultad de Filosofía y Letras de Pisa Gabriele Ranzato, impartirá a conferencia titulada “A guerra civil de 1936 entre presente e pasado”, na Facultade de Xeografía e Historia da USC, organizada polo Proxecto de Investigación Interuniversitario “As vítimas, os nomes, as voces e os lugares”.

Os seus principais temas de estudo son o clientelismo e a modernización do comportamento electoral, a historia da violencia e das guerras civís, e está considerado como un dos máximos coñecedores da historia española do século XX e concretamente na historia da II República e da Guerra Civil. Deste xeito, ten participado e dirixido varios congresos e seminarios científicos sobre distintas etapas da historia de España. Así mesmo, é autor de numerosos artigos en revistas italianas e estranxeiras entre os que destacan os aparecidos na revista Ayer promovida pola Asociación de Historia Contemporánea.

En setembro de 2005 foi galardoado pola Società Italiana per lo Studio della Storia Contemporanea co premio á mellor obra de 2004 polo seu libro L'eclisse della democrazia. La guerra civile spagnola e le sue origini. 1931-1939 considerado como a mellor obra de argumento histórico contemporáneo publicado no ano 2004.

Dita conferencia trátase dunha iniciativa máis das desenvolvidas desde o Proxecto de Investigación Interuniversitario “As vítimas, os nomes, as voces e os lugares”, que ten entre un dos seus fins máis destacados a colaboración con investigadores e especialistas que estean a estudar a represión franquista e a Guerra Civil, e que de xeito tanxencial, contribúan ao estudo do caso galego, como neste caso é o do docente, investigador e ensaista italiano, Gabriele Ranzato.

Gardado en Noticias 11 de febreiro de 2009 | sen comentarios
 

Aviso de uso deste blog

A utilización deste espazo implica a aceptación plena das disposicións e condicións de uso que o Proxecto “Nomes e Voces” dispoña, reservándose o dereito de modificar en calquera momento e sen previo aviso os contidos e as condicións do mesmo da forma que sexa oportuna.

Textos de microhistorias

A través desta páxina podes colaborar co Proxecto compartindo testemuñas, acontecementos ou historias de vida relacionadas coa represión franquista.

Subscribirse ao blog por rss

A navalla suíza
Responsable
Universidade de Santiago de Compostela
Colaboradores
Universidade de Vigo Universidade da Coruña Deputación de Lugo
Patrocina
Feder Xunta de Galicia
Deputacion da Coruña As Pontes de García Rodríguez