Blog

Toda información de interese que sae ao redor deste proxecto.

Videos.1936 UN NOVO RELATO? 80 ANOS ENTRE HISTORIA E MEMORIA

Videos.1936 UN NOVO RELATO? 80 ANOS ENTRE HISTORIA E MEMORIA

Están a dispoñibilidade os vídeos do Congreso Internacional

1936 UN NOVO RELATO? 80 ANOS ENTRE HISTORIA E MEMORIA

Santiago de Compostela, 18-20 de xullo de 2016

Gardado en Congresos 21 de decembro de 2016 | sen comentarios
Etiquetado como Memoria, Guerra civil, Guerra civil española

Terceira circular do Congreso Internacional "1936 ¿Un novo relato? 80 anos, entre historia e memoria". Compostela, 18,19 e 20 de xullo de 2016

Terceira circular do Congreso Internacional "1936 ¿Un novo relato? 80 anos, entre historia e memoria". Compostela, 18,19 e 20 de xullo de 2016
A 80 anos do golpe militar que derivou nunha guerra que precede á conflagración mundial e remata coa instauración por parte dos vencedores de catro décadas de ditadura; a 40 anos da morte do Ditador e da liquidación do réxime ditatorial que saíu da guerra, este Congreso xorde da necesidade de sentar as bases para unha reconceptualización da memoria e da historia sobre o golpe, a guerra e a ditadura. Preténdese logo valorar e analizar unha nova codificación que xa leva un tempo a desenvolverse e confrontala cuns relatos herdados que perviven, malia que con evidentes síntomas de esgotamento.

Deste xeito, historiografía e estudos literarios, dous ámbitos de coñecemento que se ocupan da Memoria,pretenden dialogar neste foro que se concibe como unha ocasión idónea para presentar e discutir, dende distintos enfoques, as visións e interpretacións que a sociedade española actual manexa dun pasado incómodo e a dimensión ética do seu coñecemento, pero tamén para debater sobre a necesidade dun novo relato sobre ese pasado e mais sobre os elementos dispoñibles para construílo.

Xa que logo, trátase de analizar ese relato herdado, baseado na idea de reconciliación da Transición pero construído sobre as razóns dos combatentes no conflito, as memorias fragmentadas de vítimas e verdugos, a propaganda do vencedor e a amargura do perdedor. Tamén, de contrastalo e deconstruílo, de confrontalo con outras memorias -subalternas en relación ao relato social dominante-, e co novo caudal de coñecemento histórico e memorialístico, así como cos novos paradigmas que operan nos estudos literarios e culturais. A 80 anos do golpe, a 40 desta nosa democracia de hoxe. Servíndonos da ollada externa e a comparanza, e afrontando a dimensión ética do coñecemento do pasado.

Gardado en Congresos 22 de xuño de 2016 | sen comentarios
Etiquetado como Investigación, Historia, Historia de España

IV Encuentro de Jóvenes Investigadores en Historia Contemporánea Valencia 2013

IV Encuentro de Jóvenes Investigadores en Historia Contemporánea Valencia 2013

O prazo para mandar propostas de comunicacións para o IV Encuentro de Jóvenes Investigadores en Historia Contemporánea Valencia 2013 cerraráse o vindeiror 15 de xaneiro.

A mesa 'Construir Comunidades coordinada por Matthew Kerry busca aunar propostas acerca da formación e sostemento de todo tipo de comunidades, buscando puntos de encontro entre aproximacións distintas.

Desde as aldeas até as nacións (as comunidades ‘imaxinadas’ de Benedict Anderson), as comunidades son un aspecto imprescindible da experiencia cotián. A pesares do proceso de mundialización, o locus xeográfico segue sendo de suma importancia; é máis, hoxe en día é un termo cunha forte carga emotiva. Máis que conformarse cunha conceptualización ríxida, proponse a consideración de comunidades múltiples, superpostas e, ás veces, opostas.


Gardado en Congresos 11 de xaneiro de 2013 | sen comentarios

Clausura do II Congreso Galeusca-Historia

Clausura do II Congreso Galeusca-Historia

Ven de celebrarse en Bilbao o II Congreso Galeusca-Historia baixo o título de 'Naciones en el Estado-nación: la formación cultural y política de naciones en la Europa contemporánea'

Gardado en Congresos 10 de xullo de 2012 | sen comentarios

No mes de xullo celébrase o II Congreso Galeusca-Historia

No mes de xullo celébrase o II Congreso Galeusca-Historia

Os días 3 e 4 de xullo, celébrase en Bilbao o II CONGRESO GALEUSCA-HISTORIA, co programa Bizkaia aretoa. UPV-EHU. (Universidad del Pais Vasco-Euskal Herriko Unibertsitatea) Naciones en el Estado-nación: la formación cultural y política de naciones en la Europa contemporánea.

Gardado en Congresos 30 de maio de 2012 | sen comentarios
 

Aviso de uso deste blog

A utilización deste espazo implica a aceptación plena das disposicións e condicións de uso que o Proxecto “Nomes e Voces” dispoña, reservándose o dereito de modificar en calquera momento e sen previo aviso os contidos e as condicións do mesmo da forma que sexa oportuna.

Textos de microhistorias

A través desta páxina podes colaborar co Proxecto compartindo testemuñas, acontecementos ou historias de vida relacionadas coa represión franquista.

Subscribirse ao blog por rss

A navalla suíza
Responsable
Universidade de Santiago de Compostela
Colaboradores
Universidade de Vigo Universidade da Coruña Deputación de Lugo
Patrocina
Feder Xunta de Galicia
Deputacion da Coruña As Pontes de García Rodríguez