O Seminario de Estudos Porriñés “Alfredo Bautista Alconero” foi fundado no ano 1999 por Luis Areal, Iván Vaqueiro e Diego Giráldez. Alfredo Bautista Alconero, “Rei”, como era coñecido, foi un dos aillados en San Simón. Aínda que naceu en Ponteareas, desenvolveu toda a súa vida no Porriño. Viviu sempre ó carón da actividade cultural e deportiva e caracterizábase polo seu carácter humilde e afable e a súa encantadora conversa. O Seminario é un recoñecemento á súa figura.