Nomes e voces

Julio Prada Rodríguez

Julio Prada Rodríguez (Ourense, 1966), é doutor en historia contemporánea coa tese Ourense, 1936-1939. Alzamento, guerra e represión, posteriormente publicada por Ediciós do Castro en 2004. É profesor titular na Facultade de Historia do Campus de Ourense desde 2009. É I premio de Investigación Histórica de Galicia Antonio Fraguas coa obra Ensaio sobre a violencia. Ten traballado sobre a II República, a guerra civil e a represión franquista en Ourense e publicado diferentes traballos desta temática entre os que destacan: Represión económica e depuración administrativa. Ourense 1936-1942 (2003), Metodoloxía e fontes para o estudio da represión franquista en Galicia (2003), As lapas da revolución. O outubro vermello en Ourense (Obradoiro de Historia de Galicia, 2004), A man invisible do sufraxio. República e eleccións na provincia de Ourense (2004), A Dereita política ourensá: monárquicos, católicos e fascistas, (1934-1937) (Universidadede Vigo, 2005), De la agitación republicana a la represión franquista. Ourense 1934-1939 (Editorial Ariel, 2006), Lo que han hecho en Galicia. Violencia política, represión y exilio (1936-1939) (en coordinación con J. de Juana) (Editorial Crítica, 2006), Violencia política, protesta social e orde pública no Ourense republicano (Ediciós do Castro, 2007) e La España masacrada (Alianza, 2010). Actualmente é coordinador do Proxecto de Investigación Interuniversitario "Nomes e Voces".